KOMUNIKADO DI PRENSA
No. 2010/012
Selikor NV
Fecha: 16 desèmber 2010
Tópiko: 15 aña SELIKOR NV
Telefon: 434-1349/Faks: 465-6964
wèpsait: www.selikor.com
Selikor NV sirbiendo komunidat di Kòrsou pa 15 aña
Dia 20 di desèmber 2010 Selikor lo kumpli 15 aña komo kompania anónimo di gobièrnu. Pa para ketu na e momentu históriko aki e kompania lo bai tin, riba e dia en kuestion, un selebrashon pa henter su personal. Durante di selebrashon aki lo bai tira un bista den pasado, presente i futuro di e organisashon.
Pa por kumpli ku su tareanan manera komunidat ta spera esaki Selikor lo apliká un skema di servisio adaptá pa dia 20 di desèmber 2010. E skema adaptá aki lo pèrmití tur miembro di e personal presensiá e selebrashon.
E servisio di rekohé shushi di kas di djaluna 20 di desèmber lo tuma lugá riba djasabra 18 di desèmber 2010. Pa loke ta trata e servisio na lèntfel Malpais i transbordo Koral Specht esaki lo kana normal i e orario ta di 7or di mainta pa 7or di anochi. Servisio den sentro di suidat lo sigui normal.
Pa kualke situashon di urgensia riba e fecha ariba menshoná por tuma kontakto ku nos na 566-1635.
Selikor ta pidi komunidat komprenshon pa e kambio aki i ta deseá un i tur tur kos bon den e dianan di fiesta.
Konstrukshon Kaya di Medioambiente a finalisá
