KOMUNIKADO DI PRENSA
No. 2012/007
Selikor NV
Fecha: 10 di aprel 2012
Tópiko: Selikor a rekohé mas ku 6 mil kilo di shushi despues di seú
Telefon: 434-1349/Faks: 465-6964
wèpsait: www.selikor.com
Selikor a rekohé mas ku 6 mil kilo di shushi despues di seú
Komo parti di e responsabilidat sosial ku Selikor tin ku komunidat di Kòrsou e kompania ta duna su aporte tambe na selebrashon di seú. E aporte aki ta konsistí di pone tualètnan portátil disponibel pa públiko, yuda kuerpo polisial pone barikadanan pa sera kaya i tambe hasi limpiesa despues di e marcha. Por bisa ku tur e trabounan e aña aki tambe a kana na satisfakshon.
E trabounan di limpiesa a produsí un total di 6.415 kilo di shushi. Selikor a sòru pa transportá e shushi aki di forma responsabel hiba e destinashon final ku ta lèntfel Malpais.
Un pabien ta bai na e organisashon di marcha di Seú pa un bunita marcha i un danki ta bai na e públiko ku a duna su koperashon pa e trabounan di limpiesa por a kana bon. Un danki ta bai tambe na e personal di Selikor ku a laborá riba di dos dia di Pasku di Resurekshon pa nos kayanan por a lanta limpi su siguiente dia.
