KOMUNIKADO DI PRENSA
No. 2014/012
Selikor NV
Fecha: 9 desèmber 2014
Tópiko: Selikor ku treinen riba kalamidat
Telefon: 434-1349/Faks: 465-6964
wèpsait: www.selikor.com
Proyekto limpiesa Kòrsou i eliminashon foko sangura den Kwartier, Iland i Monrepos
Willemstad- Gobièrnu di Kòrsou representá pa su ministerionan di GMN, SOAW, VVRP, JUS den estrecho kolaborashon ku SELIKOR, SEFBA, X-TEAM, Fundashon Kòrsou Limpi i Bunita konhuntamente ku Hubentut Adventista i algun suidadano a duna inisio na e Segundo fase di e proyekto integral di eliminashon di sangura i limpiesa di Kòrsou mañan dia 9 di desèmber 2015. E promé fase ya a inisiá dia 28 di novèmber ku SELIKOR.
Lo kuminsá djarason den bario di Groot Kwartier, Iland, Monrepos i e gruponan lo bai ta repartí di e siguiente manera.
Kontroladónan di Departamentu di Higiena di Servisio di Salubridat (THZ) lo drenta e área di Groot Kwartier pa inspekshoná kas pa kas. E grupo aki lo ta debidamente uniformá i nan lo tin nan badge pa indentifiká nan mes. Nan tin e tarea di drenta den kurá di kasnan i inspekshoná rondó di kas i indiká na e habitante kua ta e obhetonan ku ta foko di sangura i ku e habitante mes mester kita òf limpia. Tambe nan lo indiká kaminda ta nesesario kua opshonnan i/ óf solushonnan e habitante tin pa ku barínan di awa, veiver etc.
Mesun mainta e grupo di limpiesa ku ta personanan di Ministerio di SOAW for di nan banko di vakatura tambe uniformá bou di guia di SEFBA lo drenta bario di Groot Kwartier, Iland i Monrepos. E grupo aki lo tin e tarea pa rekohé sushi ku ta swèrf. Esakinan ta kup, baki foam, bòter i otro ophetonan ku ta keda kantu di kaya i den áreanan habrí i/òf públiko. E grupo aki lo no drenta niun kurá i por kolektá e tipo di sushi indiká aki só.
Ta rekomendá tur habitante di e áreanan aki pa tene kuenta ku e skèma di sushi gròf di SELIKOR ku lo pasa djabièrnè awor 12 di desèmber den a áreanan aki pa rekohé potoshi. E servisio aki ta gratuito i ta fasilitá abo komo suidado pa bo tene bo kurá limpi i sin foko di sangura. Tene kuenta ku e fechanan pa saka bo potoshinan na tempu. Dado kaso bo saka esakinan despues di e fecha di sushi gròf, SELIKOR ta pasa te su siguiente luna i e sushi ta keda dilanti bo kas i abo ta keda responsabel pa esaki.
Komo un gran aporté na e akshon aki Hubentut Adventista lo drenta e barionan di Dominguito i Koral Spècht djadumingu dia 14 di desèmber. Nan lo rekohé sushi ku ta zwèrf pues kup, baki foam, bòter i otro ophetonan ku ta keda kantu di kaya i den áreanan habrí i/òf públiko. Ta importante pa enfatisá ku den e akshon aki sushi di kurá o sea mata, yerba, palu etc etc lo no keda rekohé. Ta rekomendabel pa sigui tur publikashon tokante e akshon di eliminiashon i limpiesa e dianan aki den medionan lokal pa kada suidadano ta bon informá.
###
