KOMUNIKADO DI PRENSA
No. 2017/005

 


 

Selikor NV
Fecha: 16 di mart 2017
Tópiko:
Selikor a regalá Nos Lanterna un Kas Bèrdè
Telefon: 434-1349/Faks: 465-6964

wèpsait: www.selikor.com


 

Selikor a regalá Nos Lanterna un Kas Bèrdè

 

Nos Laterna a logra nan soño di mas ku tres aña di tin un kas pa nan por planta i kosechá bèrdura i fruta pa nan propio uso.

 

Den e fin di siman ku ta tras di lomba koleganan di Selikor, ku un kurason hopi grandi, a duna bèk na komunidat via di e proyekto di Curadoet. Ku Selikor a kontribuí ku Curadoet edishon 2017 riba su mes no ta algu partikular. For di inisio di e inisiativa akí Selikor a bin ta yuda ku nos core business, esta rekohementu i prosesamentu di shushi. Pa e aña akí sinembargo nos kurason a bati pa yuda di un forma diferente tambe.

 

Pa algun siman largu a hasi e preparashonnan nesesario pa asina hasi un soño di mas ku 3 aña di Kas di Kuido Nos Lanterna bira realidat. Trahadónan di Selikor a konstruí i ekipá un Kas Bèrdè (Green House) pa e kas di grandinan di manera ku, komo parti di terapia i entertainment, e klientenan por siña planta i kosechá di nan propio plantashon.

 

E Kas Bèrdè a wòrdu ekipá mas tantu posibel ku material resiklá manera tayer, bleki, PET-fles i te hasta sapatu bieu. Komo kompania nos ta orguyoso di por a dun’un man na nos grandinan di Nos Lanterna komo parti di nos responsabilidat sosial ku komunidat di Kòrsou.

< < <