KOMUNIKADO DI PRENSA
No. 2017/015

 


 

Selikor NV
Fecha: 18 di òktober 2017
Tópiko:
Selikor ta optené sertifikashon ISO 9000-2015 i 14001-2015
Telefon: 434-1349/Faks: 465-6964

wèpsait: www.selikor.com


 

Selikor ta optené sertifikashon ISO 9000-2015 i 14001-2015

 

Pa di 17 aña konsekutivo Selikor ta pasa dor di un ouditoria di ISO i ta finalisá esaki di forma eksitoso. Durante 16 pa 18 di òktober, e kompania hulandes BSI, representá pa sr. Piet Coevert i sr. Barry Borst a ouditá Selikor NV riba e maneho di kalidat i di medioambiente ku e kompania ta hiba. Nobo e aña akí ta e hecho ku Selikor a wòrdu sertifiká segun e último i mas resien norma di tantu kalidat komo medioambiente, ku ta 9000-2015 i 14001-2015.

 

More

Invitashon pa Konferensha di Prensa

Kerido medio di komunikashon,

Minister Camelia-Römer a proklamá siman di 16 pa 20 di òktober komo siman di medioambiente i naturalesa. Durante henter e siman akí ta tira lus riba diferente aspekto ku tin di haber ku medioambiente i naturalesa ku énfasis riba bienestar di nos komunidat.

Den kuadro di esaki, Selikor NV komo e kompania ku ta hiba maneho di limpiesa na Kòrsou, lo inisiá un trayekto spesífikamente dirigí pa intensivá esfuersonan pa krea mas konsientisashon i amplia aktividatnan di resiklahe. Lo enkaminá e trayekto akí den estrecho kolaborashon ku SOAW den kua algun hóben desempleá lo haña oportunidat di trabou.

Djabièrnè 20 òktober den presensia di minister di Salubridat, Medioambiente i Naturalesa, Minister di Desaroyo Sosial, Labor i Bienestar, Selikor i SOAW lo bai firma un akuerdo pa guia 3 hóben ku durante 1 aña lo keda enkargá ku trabounan den e área resiklahe.

Alabes medionan di komunikashon lo bai risibí mas detaye riba e maneho di resiklahe ku Selikor a bin ta hiba.

Bo ta keda kordialmente invitá pa:

Fecha     : Djabièrnè, 20 di òktober 2017
Ora        : 17.15 – 18.00
Sitio       : Kaya di Medioambiente na Lèntfel Malpais

Manera semper nos ta konta ku bo presensia!

KOMUNIKADO DI PRENSA
No. 2017/014

 


 

Selikor NV
Fecha: 6 di òktober 2017
Tópiko:
Selikor ta bishitá skolnan sekundario ku profeshonalnan den arte di resiklahe i músika.
Telefon: 434-1349/Faks: 465-6964

wèpsait: www.selikor.com


 

Selikor ta bishitá skolnan sekundario ku profeshonalnan den arte di resiklahe i músika.

 

Banda di hiba un maneho di limpiesa, Selikor huntu ku Fundashon Kòrsou Limpi Bunita tin diferente programa riba tereno di formashon pa konsientisá i eduká nos komunidat riba e aspekto di limpiesa. E programanan akí tin e meta pa konsientisá nos komunidat dirigí riba kambio di aktitut i amor pa nos isla. Selikor ta konosí pa su aktividatnan edukativo dirigí pa muchanan i hóbennan via di nan skol.

 

More