KOMUNIKADO DI PRENSA
No. 2011/012
Selikor NV
Fecha: 6 di yüli 2011
Tópiko: Selikor un bes mas ta eliminá sitio ilegal di deshasí shushi den Oranjestraat
Telefon: 434-1349/Faks: 465-6964
wèpsait: www.selikor.com
Selikor un bes mas ta eliminá sitio ilegal di deshasí shushi den Oranjestraat
Ayera pa di tantísimo biaha Selikor a bolbe pone ekipo i hende disponibel pa eliminá e sitio ilegal di deshasí shushi den e área entre Oranjeschool i e santana den Oranjestraat. A rekohé un total di 59.275 kilo di shushi na e sitio i mester a kore 10 kareda di dòmtrùk.
Un apelashon ta bai un bes mas na komunidat kompletu pa yuda mantené nan bario limpi. Si nos ta konsiderá ku e pais aki ta di nos, nos tin e responsabilidat patriótiko i síviko pa mantené limpi. Na habitantenan e petishon pa yuda kontrolá den nan bario i na momentu ku tuma nota ku tin bentamentu di shushi di forma ilegal den nan bario pa mèldu esaki mesora na SKS na number di telefon 917.
-Riba e potrètnan ta mira e situashon promé i despues di e limpiesa-
