Kerido dosente,
Bo skol ta un di e 19 skolnan ku ta forma parti di e proyekto úniko i interesante “Garbage is the New Music”. E proyekto akí ta un kompetensia musikal entre e bandanan di skolnan sekundario inskribí. For di kada instrumènt trahá di material resiklá mester produsí muzik. E banda kompletu mester usa instrumèntnan resiklá i krea un produkshon musikal pa e kompetensia.
For di akí bo por skohe bo dia i ora pa e gastdocent. E bishitanan di kada profeshonal lo ta dirigí pa e alumnonan ku lo bai kompetí i e dosente(nan) ku lo bai guia e skol den kompetensia di ‘Garbage is the new Music’. Por skohe entre orario bou di ora di skol òf despues di orario di skol.
E sitio di presentashon mester ta preferibel na skol òf un otro sitio di e skol mes su eskoho. Selikor ta pone solamente e gastdocent disponibel. E lokashon mester ta disponé di fasilidat pa pasa presentashon.
Tuma nota ku den luna di sèptèmber tin 2 diferente tópiko:
1. Konosementu general di resiklahe
Por reservá unikamente 45 minüt pa e presentashon akí. Klick akí pa traha bo sita
Kada skol ta risibí e bishita di un profeshonal den e área di resiklahe pa duna tantu e dosente komo e alumnonan ku ta partisipá na e kompetensia, informashon general tokante resiklahe.
2. Posibilidatnan pa krea instrumènt di resiklahe
Mester reservá 2 blokuur di lès (2 x 45 minüt) den 1 biaha pa e presentashon akí. Klick akí pa traha bo sita
Kada skol ta risibí e bishita di un profeshonal den obra di arte pa duna tantu e dosente komo e alumnonan ku ta partisipá na e kompetensia, tepsnan kon pa krea nan instrumènt ku material resiklá i òf reusá.
Den luna di òktober lo habri un kalènder nobo pa traha sita riba konosementu general di muzik. Lo bai duna diferente tips & tricks den komposishon i areglo, kreatividat outéntiko den músika.
Klick akí pa video ku diferente idea ku por sirbí komo inspirashon pa traha instrumento ku materialnan di resiklahe.
Tim Stènki Movement.
