KOMUNIKADO DI PRENSA
No. 2012/004
Selikor NV
Fecha: 2 di yanüari 2012
Tópiko: SELIKOR AWOR TAMBE TIN SU MASKOTA KLIKO
Telefon: 434-1349/Faks: 465-6964
wèpsait: www.selikor.com
SELIKOR AWOR TAMBE TIN SU MASKOTA KLIKO
Djaweps, 9 di febrüari,den presensia di Lito, Oinki, Sandwich man, Pizza man, Chiqi, Shon Kompa Nanzi i Shon Turtuga i tambe masha hopi miembro di prensa, Selikor a lansa su maskota KLIKO.
XXTabata un atardi hopi agradabel, festivo i ameno na momentu ku Selikor a presentá su maskota KLIKO ku a bin djòin e tim di maskotanan lokal. Awor Kòrsou ta un maskota mas riku. E maskota aki lo bai sigui yuda Selikor konsientisá komunidat riba e importansha di limpiesa. Komo un kompania ku ta hiba maneho di limpiesa, ta sumamente importante pa nos keda motivá i eduká komunidat pa atendé ku shushi di forma responsabel i alabes stimulá e konsenshi di resiklahe.
Lansamentu di KLIKO tabata tremendo ku presentashon di entre otro e grupo Blitz. Tambe a presentá riba e atardi ameno aki reina di tumba hubenil i reina di Karnaval hubenil, kompañá pa prens i pancho hubenil. Un grupo grandi di mucha a presensiá e evento aki pa yama bon biní na e maskota di Selikor.
Di un forma fenomenal i kreativo KLIKO a kana riba tapeit kòrá, ku hopi konfeti, den kompania di direktor general di Selikor i riba tononan di un tremendo brassband. Tio Armando a sa di entren’é e públiko hubenil di un forma tremendo.
Tabata promé biaha den historia lokal ku tur e maskotanan ariba menshoná a bini huntu pa di e forma aki pega e piedranan presioso i humilde i krea e union ku Kòrsou mester dje.
Un danki ta bai na MCB, GIRO, KENTUCKY, PIZZA HUT, SUBWAY, Fundashon Kompa Nanzi pa nan aporte duna na realisashon di e evento aki. KLIKO ta stima boso tur.
