KOMUNIKADO DI PRENSA
No. 2012/008
Selikor NV
Fecha: 13 di aprel 2012
Tópiko: Selikor trahando duru pa resolvé retraso den rekohementu di shushi di kas
Telefon: 434-1349/Faks: 465-6964
wèpsait: www.selikor.com
SELIKOR TRAHANDO DURU PA RESOLVÉ RETRASO DEN REKOHEMENTU DI SHUSHI DI KAS
Na komienso di e siman aki Selikor a kai atras den e skema di rekohé shushi di kas loke a trese kuné ku algun bario no a risibí servisio riba e dia kustumbrá. Personal di Selikor ta trahando duru pa aliviá e situashon aki mas lihé posibel i kousa ménos molèster ku ta posibel pa komunidat.
Pa loke ta trata e situashon na e momentunan aki mayoria bario ku mester a haña servisio e siman aki a risibí esaki den e dianan ku ta tras di lomba. Barionan ku normalmente ta haña servisio riba djabièrnè e siman aki lo haña servisio riba djasabra, 14 di aprel. Ta pidi tur e habitantenan di e barionan konserní pa tene kuenta ku esaki i laga nan kònteiner pafó di kurá pa ora e trùknan pasa por hasi nan kònteiner bashí.
Selikor ta pidi komunidat karga kuné den e dianan aki i ta garantisá ku ta trahando riba solushonnan konkreto pa minimalisá retrasonan den e skema normal den futuro. Un biaha mas gerensia ta pidi su diskulpa pa e eventual molèster ku e kambio den servisio aki por trese kuné i ta gradesí komunidat pa nan komprenshon.
