KOMUNIKADO DI PRENSA
No. 2012/013
Selikor NV
Fecha: 26 di yüli 2012
Tópiko: SELIKOR KU PLAN DI FAKANSI PA YUNAN DI EMPLEADO
Telefon: 434-1349/Faks: 465-6964
wèpsait: www.selikor.com
SELIKOR KU PLAN DI FAKANSI PA YUNAN DI EMPLEADO
Djarason 25 di yüli último, na ofisina prinsipal na Parera, Selikor NV a duna inisio na e plan di fakansi 2012 pa yunan di trahadó. A toka turno na pastor Raoul pa hasi un orashon ku e chikitinnan pa despues nan risibí un bendishon di manera ku tur kos por kana bon durante e tres dianan di aktividat ku Selikor a prepará pa nan. Direktor general di Selikor, ingeniero Wesley Kook, tambe a dirigí su mes na e muchanan indikando ku su deseo máksimo ta pa den futuro nan por bin okupá kualkier funshon den e kompania meskos ku nan mayornan a hasi esaki.
Tur aña di nobo Selikor ta organisá e aktividat aki pa yunan di empleado i di e forma aki ta duna kontenido na e aspekto sosial di e plan di maneho pa personal. Esaki siguiendo e filosofia ku trahadónan ta e propiedat mas importante ku e kompania tin i famia di trahadónan tambe ta pará sentral den su maneho.
Ku e meta pa eduká i entretené, den un forma sano, ta hinka un programa úniko den otro. Riba e promé dia e muchanan ta aktivo den nos sentro di suidat ku un speurtocht pa nan por siña konosé mas
tantu di e historia kultural di nos sentro di suidat. E di dos dia nan ta di bishita na un di e hotèlnan di mas bunita di nos isla, ku ta Hyatt Regency Hotel, kaminda nan por partisipá na diferente aktividat. Riba e di tres dia di e aktividat ta klousurá e plan di fakansi ku e tan konosí aktividat di paintball.
Selikor ta orguyoso ku kada aña di nobo miembronan di su personal mes ta organisá i kordiná e plan di fakansi i ta bon pa bisa ku komo lidernan ta figurá tambe yunan di trahadónan kendenan ya a yega un edat poko mas grandi. Pues ta un aktividat di famia kompletu.
-riba e potrèt nos por mira e muchanan disfrutando di e Plan di Fakansi
