KOMUNIKADO DI PRENSA
No. 2012/015
Selikor NV
Fecha: 27 dezèmber 2012
Tópiko: Selikor ta pidi atenshon pa kambio den servisio
Telefon: 434-1349/Faks: 465-6964
wèpsait: www.selikor.com
Selikor ta pidi atenshon pa kambio den servisio
Manera ta konosí dia promé di yanüari ta ofisialmente un dia liber di trabou i esaki ta trese kuné algun kambio den e servisio ku Selikor ta duna na komunidat. E kambio prinsipal ta enserá ku tur kas ku normalmente ta risibí servisio riba djamars, ku ta kai e aña aki riba promé di yanüari, lo risibí esaki e djasabra anterior. Esaki ta nifiká ku e ruta di djamars, promé di yanüari 2013 lo keda rekohé riba djasabra, 29 di dezèmber 2012.
Selikor NV ta pidi koperashon di tur habitante ku ta risibí servisio normalmente riba djamars, pa saka nan kònteiner pafó di kurá promé ku 7or di mainta riba djasabra, ya ku nos trùknan ta pasa for di trempan pa rekohé e shushi. Pa loke ta trata Trasbordo di shushi na Koraal Specht esaki lo ta será riba djamars promé di yanüari 2013. Landfill Malpais si lo ta habrí di 7or di mainta pa 3or di atardi. E punto di benta na landfill Malpais lo ta será riba e fecha aki.
U súplika ta bai na un i tur pa tene bon kuenta ku e kambionan aki. Selikor ta deseá henter komunidat un kambio di aña trankil i alegre.
