KOMUNIKADO DI PRENSA
No. 2015/008
Selikor NV
Fecha: 14 di sèptèmber 2015
Tópiko: Selikor ta pidi atenshon pa retraso den rekohementu di shushi di kas
Telefon: 434-1349/Faks: 465-6964
wèpsait: www.selikor.com
Selikor ta pidi atenshon pa retraso den rekohementu di shushi di kas
Selikor ta partisipá ku pa motibunan imprevisto e kompania ta eksperensiando algun retraso den su skema di rekohé shushi di kas. Pa loke ta trata e skema di e siman aki ainda ta surgi un retraso riba e rutanan di djarason i djaweps.
Selikor lo hasi su máksimo esfuerso pa no laga ningun bario keda ku nan shushi. E personal lo traha fin di siman riba djasabra i djadumingu pa konkluí e skema atrasá.
Klientenan ku tuma nota ku Selikor a pasa den nan bario pero no a bai ku nan shushi por tuma kontakto ku nos departamentu di Servisio na Kliente na 46-limpi, 465-4674.
Personal di Selikor ta hasiendo su máksimo esfuerso pa aliviá e situashon aki den un tèrmino di tempu kòrtiko. Selikor ta pidi su diskulpa pa eventual inkonbeniensia ku e retraso aki por trese kuné i ta pidi su klientenan indulgensia pa e situashon ku a surgi.
