KOMUNIKADO DI PRENSA
No. 2016/007
Selikor NV
Fecha: 26 di sèptèmber 2016
Tópiko: Selikor enkuesta pa midi kalidat di servisio
Telefon: 434-1349/Faks: 465-6964
Mail: info@selikor.com
wèpsait: www.selikor.com
Selikor ta hasi enkuesta pa midi satisfakshon di kliente
Den e dianan aki komunidat por tuma nota ku Selikor ta hasi un enkuesta pa midi kalidat di servisio. Manera ta konosí un di e tareanan di mas importante di Selikor ta rekohementu di shushi di kas. Selikor lo hasi enkuesta riba e servisio pa rekohé shushi di kas i tambe lo midi satisfakshon di e kliente riba demas servisionan komersial.
Pa nos por sirbi kada kliente di e forma optimal, Selikor ke sa kon e kliente ta eksperenshá i balorá e servisio ku nan ta risibí di e empresa. Ta p’esei ta importante pa kada persona ku risibí un yamada di nos enkuestadónan partisipá i kontestá e preguntanan di e enkuesta dirigí riba e grado di satisfakshon pa ku servisionan di Selikor. Opinion di e kliente ta sumamente importante pa Selikor por sigui hasi su máksimo esfuerso pa sigui halsa e kalidat di servisio duná. Ku bo yudansa Selikor lo por sigui kontribuí na bienestar general di Kòrsou dor di sigui mehorá su servisio kontinuamente.
Selikor ta konta ku kolaborashon di tur kliente pa e enkuesta aki por tuma lugá den un forma efektivo i ta gradisí un i tur adelantá pa nan partisipashon. Abo i Selikor, huntu nos ta tene e isl’aki limpi.
