KOMUNIKADO DI PRENSA
No. 2017/021
Selikor NV
Fecha: 11 di desèmber 2017
Tópiko: Retraso den servisio di Selikor
Telefon: 434-1349/Faks: 465-6964
wèpsait: www.selikor.com
Retraso den servisio di Selikor
Selikor NV ta partisipá ku e kompania ta eksperensiando algun retraso den su skemanan di rekohé shushi di kas i skema di rekohé potoshi grátis. E retrasonan akí ta entre otro debí na desaroyonan den e sektor laboral di último siman. Konsiente di esaki e kompania ta hasiendo su máksimo esfuerso pa no laga ningun bario keda ku nan shushi.
Pa loke ta trata rekohementu di shushi di kas e siman akí Selikor lo kore e skema normal durante dia. Parti atardi pa anochi lo traha pa eliminá e retraso di siman pasá. Esaki lo sosodé riba djaluna i djamars di e siman akí. E retraso den rekohementu di potoshi grátis Selikor lo trata na eliminá esaki den e siman akí mes, kombiná ku e skema normal.
Habitantenan ku tuma nota ku Selikor a pasa den nan bario pero no a bai ku nan shushi por tuma kontakto ku nos departamentu di Servisio na Kliente na 434-1300.
Gerensia ta pidi su diskulpa pa eventual inkonbeniensia ku e retrasonan akí por trese kuné i ta pidi su klientenan indulgensia i komprenshon.
