KOMUNIKADO DI PRENSA
No. 2018/01
Selikor NV
Fecha: 4 di yanüari 2018
Tópiko: Selikor ku apelashon na komunidat pa hasi limpi despues di sende pagara
Telefon: 434-1349/Faks: 465-6964
wèpsait: www.selikor.com
Selikor ku apelashon na komunidat pa hasi limpi despues di sende pagara
Selikor ta hasi un apelashon fuerte na tur partisipanten na e tradishonal Fuikdag pa pèrkurá bai ku nan saku di shushi. Di su banda Selikor un bes mas gratuitamente lo pone un kònteiner grandi disponibel na parti sùit di e kosta pa benta tur saku di shushi aden.
Pa vários aña kaba riba e promé djadumingu di aña a bira un tradishon ku un kantidat grandi di boto tantu chikí komo grandi ta bai na e bahia di Fuik pa asina topa otro i harma un ambiente festivo. Sigur alrededor di 200 vehíkulo marítimo i mas ku 1000 hende ta forma parti di e ambiente aki. E bahia di Fuik normalmente ta unu hopi natural i trankil, pero riba e dia spesífiko di e selebrashon e bahia ta wòrdu transformá den un sitio kaminda tin hopi konsumo di kuminda i bebida. Esaki ta trese kuné un produkshon enorme di shushi.
Indudabelmente, si no atendé ku e produkshon di shushi riba dia di Fuik di forma responsabel, e shushi lo keda atras tantu riba e bich mes i sigur tambe den fondo di e bahia. E konsekuensia pa nos medioambiente lo ta hopi negativo i pa nos bestianan bou di awa e lo por resultá devastador.
E responsabilidat pa mantené nos kosta i nos playanan limpi ta di nos tur. Kada bishitante mester kontribuí ku nan granito i manera semper Selikor lo tei pa kolektá i transportá e shushi. Di e forma akí Selikor tambe ta kontribuí na e aktividat akí. Si nos tur duna di nos parti e aktividat di Fuikdag lo tei pa basta aña i nos tur lo por sigui disfrutrá di e bunita naturalesa ku e área akí tin pa ofresé.
