Selikor

KOMUNIKADO DI PRENSA
No. 2018/018uu

 

---

 

Selikor NV
Fecha: 7 di sèptèmber 2018
Tópiko: Selikor ta invitá komunidat pa djòin World Clean Up Day na Kòrsou
Telefon: 434-1349/Faks: 465-6964
wèpsait: www.selikor.com

---

 

Selikor ta invitá komunidat pa djòin World Clean Up Day na Kòrsou

 

Nos a drenta luna di sèptèmber kual ta e luna ku Selikor, komo kompania di maneho di limpiesa ta pone hopi énfasis riba tur aspekto ku tin di haber ku limpiesa. Durante henter e luna akí Selikor ta konsentrá, banda di e tareanan prinsipal, riba aktividatnan di konsientisashon i naturalmente akshonnan di limpiesa.

Selikor lo partisipá aktivamente na e World Clean Up Day na Kòrsou, riba 15 di sèptèmber. For di akí un invitashon na komunidat i na kada suidadano individual pa inskribí i partisipá na e akshonnan di limpiesa di World Clean Up Day Curaçao.

Partisipantenan ku mèldu na e organisashon di World Clean Up Day Curaçao ta bini na remarke pa depositá, e shushi ku nan kolektá riba  djasabra 15 di sèptèmber, di forma grátis na lèntfel Malpais. Naturalmente lo registrá na entrada di lèntfel tur vehíkulo ku drenta komo parti di e prosedura normal ku Selikor mester kumpli kuné. Lo bai kordiná e trabounan di forma ku lo no opstakulisá pasashi pa drenta lèntfel. Pa mas informashon pa ku e parti akí por tuma kontakto ku organisadónan via worldcleanupdaycuracao@gmail.com. Tambe por yama 788-1952 di 9^or di mainta pa 1^or di mèrdia di djasabra pa djaweps.

Si nos kada un duna un man pa nos isla ta limpi nos ta yuda tambe halsa kalidat di bida den bario. Un Kòrsou Limpi i Bunita pa nos mes i pa nos turistanan, ta huntu so nos por logra esaki.

Abo i Selikor, huntu nos ta tene e isl’akí limpi.