KOMUNIKADO DI PRENSA
No. 2019/013
Selikor NV
Fecha: 15 di ougùstùs 2019
Tópiko: Selikor ta firma akuerdo di koperashon ku Aqualectra i Green Phenix
Telefon: 434-1349/Faks: 465-6964
wèpsait: www.selikor.com
Selikor ta firma akuerdo di koperashon ku Aqualectra i Green Phenix
Djabièrnè 2 di ougùstùs Selikor NV a firma dos akuerdo di koperashon importante den kuadro di su maneho integral di shushi. A firma un akuerdo ku Aqualectra pa hasi un inventarisashon di e tipo i kantidat di shushi ku Kòrsou ta produsí den kuadro di e faktibilidat pa yega na un planta pa kima shushi i generá energia. Tambe a firma un akuerdo ku e kompania Green Phenix pa sigui desaroyá i duna kontenido na resiklahe komo método pa redusí e kantidat di shushi ku ta bai lèntfel.
Pa loke ta trata e koperashon den kuadro di un planta waste-to-energy a firma e akuerdo ku sr. Darrick Jonis komo direktor general di e kompania di utilidat. E akuerdo tin komo kontenido ku lo bai studia e posibilidatnan pa desaroyá i eksplotá un planta pa generá shushi na Kòrsou. E akuerdo den su totalidat ta nifiká ku lo mester bai analisá i kuantifiká e kantidat i tipo di shushi ku ta generá na Kòrsou. Tambe lo bai inventarisá riba merkado internashonal kua ta e mihó posibilidatnan práktiko ku tin pa insinerá shushi i generá energia ku esaki.
Ku Green Phenix a firma ku sr. Giacom Booi. Algun di e puntonan importante di e akuerdo akí ta: hürmentu di aparato pa prosesá material pa resiklá, ponementu na disposishon di baki pa depositá material separá riba Kaya di Medioambiente i desaroyamentu di un programa edukativo pa sigui stimulá resiklahe akí na Kòrsou.
Firmamentu di e akuerdonan di koperashon a tuma lugá den presensia di Minister di Salubridat, Medioambiente i Naturalesa, sra. Suzanne Camelia-Römer i Minister di Desaroyo Ekonómiko, sr. Kenneth Gijsbertha.
