KOMUNIKADO DI PRENSA
No. 2021/003
Selikor NV
Fecha: 1 di mart 2021
Tópiko: Selikor ta postponé mantenshon di sistema di kloaka
Telefon: 434-1349/Faks: 465-6964
wèpsait: www.selikor.com
Selikor ta postponé mantenshon di sistema di kloaka
Pendiente formalisashon di e kontrato ku gobièrnu pa mantenshon di e sistema di kloaka, Selikor ta partisipá ku entrante promé di mart 2021 lo posponé trabounan planiá te ku un próksimo aviso.
Ministerio di VVRP, den e kaso akí spesífikamente e departamentu di Obranan Públiko, a bin ta traha pa algun tempu kaba pa yega na un Akuerdo di Nivel di Servisio nobo (SLA) ku Selikor pa hasi mantenshon preventivo i kurativo na sistemanan di kloaka riba nos isla. Debí ku e proseso akí ainda no a konkluí a yega na e punto na unda no ta finansieramente responsabel pa Selikor sigui brinda e servisio. Selikor ya a pone e ministerio en kuestion na altura di esaki i a indiká tambe ku lo no por sigui tuma petishonnan di públiko pa e servisio.
Klientenan ku haña problema ku nan kloaka ta verstòp por tuma kontakto ku departamentu di Obranan Públiko na 433-4444.
Nos diskulpa pa kualke inkonbeniensia ku esaki por trese.
