Selikor

KOMUNIKADO DI PRENSA
No. 2021/002

 

---

 

Selikor NV
Fecha: 8 di yanüari 2021
Tópiko: Gerensha ta informá último desaroyonan pa loke ta trata
Telefon:   434-1349/Faks: 465-6964
wèpsait: www.selikor.com

---

 

Gerensha ta informá último desaroyonan pa loke ta trata

E retraso den e skema pa rekohé shushi di kas ta práktikamente eliminá.

Awe djabièrnè Selikor ta rekohé e ruta di djaweps. Pa loke ta trata e barionan di ruta di djarason, ku a haña servisio siman pasá djadumingu, Selikor lo pasa rekohé shushi riba djarason binidero segun e skema normal.

Pa mañan djasabra i si ta nesesario pa djadumingu lo finalisá e skema di e siman akí.

Habitantenan ku tuma nota ku Selikor a pasa den nan bario pero no a bai ku nan shushi por tuma kontakto ku nos departamentu di Servisio na Kliente na 434-1300.

Selikor ta hasiendo su máksimo esfuerso, pa e siman akí, kumpli ku e promesa ku tur habitante ta haña servisio di rekohementu di shushi di kas.