KOMUNIKADO DI PRENSA
No. 2021/005
Selikor NV
Fecha: 12 di mart 2021
Tópiko: Lèntfel Malpais lo ta será awe te ku 12or di mèrdia
Telefon: 434-1349/Faks: 465-6964
wèpsait: www.selikor.com
Lèntfel Malpais lo ta será awe te ku 12or di mèrdia
Selikor ta partisipá ku Lèntfel Malpais lo ta kompletamente será awe, djadumingu 4 di yüli 2021, te ku 12or di mèrdia. Esaki debí na un kandela ku a surgi ayera nochi na e sitio kaminda ta almasená tayer ku e meta pa resiklahe. Mientras tantu públiko por hasi uso di e Trasbordo di Shushi na Koraal Specht pa hiba shushi.
Na e momentunan akí ainda orígen di e kandela no ta konosí pero tin algun indikashon ku ta mustra den direkshon di un akto di vandalismo. Aktualmente e kandela ta bou di kòntròl sinembargo ainda tin molèster di huma.
Gerensia di Selikor NV ta pidi su diskulpa pa e molèster ku e insidente akí trese kuné i ta hasiendo su máksimo esfuerso pa normalisá e situashon mas pronto posibel.
