KOMUNIKADO DI PRENSA
No. 2021/007
Selikor NV
Fecha: 5 di ougùstùs 2021
Tópiko: Servisio pa rekohé shushi di kas no ta koriendo segun skema normal
Telefon: 434-1349/Faks: 465-6964
wèpsait: www.selikor.com
Servisio pa rekohé shushi di kas no ta koriendo segun skema normal
Durante e siman akí, for di djamars, a surgi algun kontratempu ku a resultá den retraso den e skema di rekohé shushi di kas. E retraso akí a trese kuné ku tin algun bario ku Selikor lo no alkansá yega pa rekohé shushi di kas pa e siman akí ni riba e dia kustumbrá.
Selikor lo rekohé barionan di e ruta di djaweps riba djabièrnè. Durante djasabra lo sigui traha pa rekohé barionan di e ruta di djabièrnè.
Pa loke ta trata e sobrá barionan di djamars ku e siman akí no a haña servisio lo duna prioridat na esakinan pa otro siman, riba e mesun dia.
Selikor ta pidi su diskulpa pa eventual inkumbiniensia ku e kambio den servisio akí por trese kuné i ta pidi su klientenan indulgensia pa e situashon ku a surgi.
