KOMUNIKADO DI PRENSA
No. 2023/002
Selikor NV
Fecha: 3 di aprel 202
Tópiko: Selikor ta hasi enkuesta pa midi satisfakshon di kliente
Telefon: 434-1349/Faks: 465-6964
wèpsait: www.selikor.com
Selikor ta hasi enkuesta pa midi satisfakshon di kliente
Durante luna di aprel komunidat lo por tuma nota ku Selikor ta hasi un enkuesta pa midi kalidat di servisio. Manera ta konosí un di e tareanan prinsipal di Selikor ta rekohementu di shushi di kas. E kompania Key Korporate den estrecho kolaborashon ku Kenniscentrum Curaçao tin e enkargo pa dirigí enkuesta.
Pa Selikor por sirbi kada kliente di un forma optimal, nos ke sa kon e kliente ta eksperenshá i balorá e servisio ku nan ta risibí tantu na kas komo di su empresa. Lo midi satisfakshon di e kliente riba e servisio pa rekohé shushi di kas, shushi gròf grátis i tambe riba demas servisionan komersial.
Selikor ta pidi kada persona ku risibí un yamada di nos enkuestadónan òf un link via di e página di Facebook Selikor NV, pa partisipá i kontestá e preguntanan di e enkuesta dirigí riba e grado di satisfakshon pa ku servisionan di Selikor. Opinion di kada kliente ta di gran balor pa Selikor por sigui hasi su máksimo esfuerso pa sigui halsa e kalidat di servisio brindá. Ku bo yudansa Selikor lo por sigui kontribuí na bienestar general di Kòrsou dor di sigui mehorá su servisio i bai pa ekselensia.
Selikor ta konta ku kolaborashon di komunidat den su totalidat pa e enkuesta akí por tuma lugá den un forma efektivo i ta gradisí un i tur adelantá pa nan partisipashon. Lo rifa algun insentivo bou di e enkuestadónan ku kompletá e preguntanan via di e link.
Abo i Selikor, huntu nos ta tene e isl’aki limpi.
