KOMUNIKADO DI PRENSA
No. 2024/010
Selikor NV
Fecha: 14 di yüni 2024
Tópiko: Kandela na lèntfel Malpais
Telefon: 434-1349/Faks: 465-6964
wèpsait: www.selikor.com
Kandela na lèntfel Malpais
Selikor ta partisipá ku ayera anochi, djaweps 13 di yüni, pa mas o menos 11:30 a drenta notifikashon di un kandela riba e parti nort/west di lèntfel. Mesora a kuminsá tuma e akshonnan di prekoushon nesesario pa atendé ku e kandela den koperashon ku representantenan di Brantwer. Awe mainta trempan a kontinuá ku e trabounan pa dominá e kandela i minimalisá eventual molèster.
Usuarionan di lèntfel lo wòrdu dirigí na un área alternativo pa depositá shushi i lo por eksperiensiá algún tardansa. Pa esaki nos ta pidi komprenshon. Konforme e situashon aktual e servisio na lèntfel Malpais lo por normalisá dentro di algun dia si no surgi ningún otro desaroyo imprevisto.
Selikor ta pidi diskulpa na habitantenan i establesimentunan den e área pa e huma okashoná pa e kandela i ta duna garantía di ta trahando ku dedikashon pa aliviá e situashon.
