KOMUNIKADO DI PRENSA
No. 2024/011
Selikor NV
Fecha: 24 di yüni 2024
Tópiko: E situashon na lèntfel Malpais a normalisá despues di e kandela ku a surgi
Telefon: 434-1349/Faks: 465-6964
wèpsait: www.selikor.com
E situashon na lèntfel Malpais a normalisá despues di e kandela ku a surgi
Selikor ta informá ku despues di e kandela ku a surgi dia 13 di yüni riba lèntfel Malpais ku e situashon a normalisá. Aktualmente no tin molèster di kandela i e situashon ta bou di kontròl.
Entretantu gerensha a tuma medida di prekoushon pa redusí e chèns ku un situashon similar ta ripití. E medidanan ku a tuma ta entre otro pa ku e vigilansha ku lo sigui ta mas alerta. Tambe lo sigui hasi esfuerso pa e shushinan riba lèntfel ta tapá tur dia segun e normanan preskribí.
Pa loke ta trata e kousa di e kandela ta hasiendo e investigashonnan nesesario pa determiná ku e kandela a keda sendé intenshonalmente i si ta nesesario Selikor lo hasi denunsia.
Finalmente, gerensha di Selikor ta yama danki na e habitantenan i establesimentunan den área pa nan komprenshon pa eventual molèster di huma okashoná pa e kandela.
Potret: athunto algún potret ku ta duna un bista riba e situashon aktual riba e área ku ta depositá shushi na lèntfel Malpais
