KOMUNIKADO DI PRENSA
No. 2024/016
Selikor NV
Fecha: 4 di òktòber 2024
Tópiko: Selikor ta invertí den trùk di shushi nobo
Telefon: 434-1349/Faks: 465-6964
wèpsait: www.selikor.com
Selikor ta invertí den trùk di shushi nobo
Den kuadro di realisashon di plan di invershon riba tèrmino largu, Selikor a hasi invershon di 5 di trùk di shushi nobo. Resientemente direktor di Selikor, huntu ku manager i personal di garashi a bishitá e fabrika na Hulanda pa hasi kòntròl final riba e trùknan nobo.
E trùknan ta di marka Haller Benelux i DAF. Ku ta markanan internashonalmente konosí. Ta trata akí di vehíkulonan ku ta disponé di e último teknologia riba tereno di rekohé shushi i ta kumpli ku tur e normanan riba tereno di preservashon di medioambiente.
Ku atkishon di e 5 trùknan, Selikor ta fortifiká e flota di trùk di shushi i optimalisá e servisio di rekohé shushi di kas. Si tur kos kana segun plan, e trùknan di shushi lo yega Kòrsou den luna di novèmber 2024 di forma ku pa fin di aña nan por ta operashonal.
Athunto riba potrèt:
1. Momentu ku ta hasi entrega di yabi di e trùknan na direktor di Selikor sr. Wesley Kook;
2. E 5 di trùk di shushi nobo ku Selikor a atkerí.
